QUADERNI 27.09.2015
Eco ghe pasà du ani e se ricatemo ancora quà
prima la cesa adeso el campanil gavemo inaugurà
na alta inpalcadura montada e su e so i restauradori
Con passiensa e competenza i à finio i laori
Se tratava de netar via onto e sporco biso
Par ridarghe la so prima patina e un bel sorriso
Dove servea se ga giustà e rimeso dei tochi
Par far tornar l’armonia e contentar i oci
Lè sta un laoro de cipria e belletto
Par farlo tornar al suo primo aspetto
Ma ghe stà dado anca un pò de sostanza
Par farlo durar tanto anzi abastanza
Netado tuto colori rinforsi sui tufi e contorni
Un buon lavoro durado un pò de giorni
Anca el tempo na dato na man
Tegnendo lontan el temporal
Adeso se pol vardarlo en tuto el so splendore
Ghe luccica ben anca el quadrante co le so ore
de la so cesa cosi bela l’era un pò geloso
ma anca lu adeso el sa vestio da sposo
dovi saver che l’è un bel tipo
longo magro e sempre drito
quel tanto de sfronzoli che basta
e in ponta la croce su la so asta
el se da importanza de portar là in alto le campane
par far arivar la so voce al paese e alle campagne
Adeso el mondo l’è tuto cambià
No se sa par cosa la campana labia sonà
Ma na olta le notissie le arivaa così a distanti e vissini
No ghera mia tv radio internet e telefonini
par dir le novità del paese e dell’universo
na campana e par tuto un rintocco diverso
par dir eco ghe i sposi par le feste e funerali
se sente le campane che sona e par tuti uguali
e par avisar l’arivo de na tempesta
eco che la campana sonava mesta
par vedar le ore e a sentir scandir la giornada
par l’ave maria par mesogiorno par el vespro na sonada
scampanade par la fine de la guerra e la vittoria
finalmente un grazie a Dio un sospiro e un pò de baldoria
adeso l’è diventà tuto difarente
e le campane par che le serva poco o niente
e invesse par la festa par la mesa e la funsion
le ne ricorda sempre l’ora de la devossion
e i nostri campanari a le corde tacadi
ne ricorda la tradission de i nostri avi
scuseme da sti discorsi me son fato la man ciapar
ma volea dirve un pò de storia e del nostro laorar
insieme gavemo meso mestier e giusto amor
podemo dir el campanil el ne restà nel cor
un gran ringrassiamento a tuti quanti
al paroco alla commissione e tuti i abitanti
a regione comune banche ed altri enti
che de aiutarne con qualche scheo i e stà contenti
adeso in paese par sti restauri podemo ben dir
che uniti tuti insieme semo sta boni de finir
e così vardando lasssù in alto de amirar
quel che con fede i nostri padri i è sta boni de far
e così anca noialtri se pol dir de aver fato la nostra parte
par tegner da conto a Quaderni tuta questa bela arte.
Paolo Giacomelli
Nessun commento:
Posta un commento